අනං මනං පොළ: ග්‍රාමීය ස්ත්‍රීන්ගේ ආර්ථික නිදහස වෙනුවෙන්
'අනං මනං පොළ' හරහා අප උත්සාහ කළේ එම සීමාවන් බිඳ දමමින්, මෙම ස්ත්‍රීන්ට තම නිෂ්පාදන සෘජුවම පාරිභෝගිකයන් වෙත අලෙවි කිරීමට අවස්ථාවක් සලසා දීමයි. එය භාණ්ඩ මිලදී ගැනීමට හා විකිණීමට පමණක් සීමා වූ වෙළඳපොළක් නොව, ස්ත්‍රීන්ගේ හැකියාවන් හඳුනාගැනීමටත්, ඔවුන්ගේ නිෂ්පාදනවලට වටිනාකමක් ලබා දීමටත්, එකිනෙකා අතර සබඳතා ගොඩනඟා ගැනීමටත් හැකි අවකාශයකි.
ග්‍රාමීය ස්ත්‍රීන්ගේ ආර්ථික සවිබලගැන්වීම යනු ඔවුන්ට ආදායමක් උපයා ගැනීමට අවස්ථාව සැලසීම පමණක් නොවේ. තමන්ගේ ශ්‍රමයට වටිනාකමක් ලබා ගැනීමටත්, ආර්ථික තීරණ ස්වාධීනව ගැනීමටත්, සමාජය තුළ ගෞරවනීය ජීවිතයක් ගොඩනඟා ගැනීමටත් අවශ්‍ය පසුබිම සකස් කිරීම ද එහි අත්‍යවශ්‍ය කොටසකි. මෙම අරමුණ පෙරදැරි කරගෙන Sisterhood සංවිධානය විසින් ගිංතොට ප්‍රදේශයේදී 'අනං මනං පොළ' නමින් සතිපොළක් පැවැත්වීමට කටයුතු කළෙමු.
ගෘහස්ථව වගා කරන එළවළු, පලතුරු සහ වෙනත් නිෂ්පාදන අලෙවි කරන, මහන ගොතන කටයුතුවල නිරත වන මෙන්ම විවිධ ගෘහාශ්‍රිත කුඩා ව්‍යවසායන් පවත්වාගෙන යන ග්‍රාමීය ස්ත්‍රීන්ට තම නිෂ්පාදන අලෙවි කර ගැනීම සඳහා සුදුසු වෙළඳපොළක් සොයා ගැනීම පහසු කාර්යයක් නොවේ. ඔවුන් සතු නිපුණතා, නිර්මාණශීලීත්වය සහ වෙහෙස මහන්සිය තිබුණ ද, ඒවා ආර්ථික වටිනාකමක් බවට පත් කර ගැනීමට අවශ්‍ය වෙළඳපොළ සම්බන්ධතා සහ අවස්ථා බොහෝ විට සීමිතය.
විශේෂයෙන්ම, ගෘහස්ථ වගකීම් සහ පවුලේ සාමාජිකයන්ගේ අවශ්‍යතා වෙනුවෙන් විශාල කාලයක් හා ශ්‍රමයක් වැය කරන ස්ත්‍රීන්ට තමන්ගේම ආදායම් මාර්ගයක් ගොඩනඟා ගැනීම අභියෝගයකි. ඔවුන්ගේ නිෂ්පාදන අලෙවි කිරීමට අවස්ථාවක් නොමැති වීම නිසා බොහෝ දෙනකුගේ හැකියාවන් සහ ව්‍යවසායකත්වය නිවෙස්වලටම සීමා වේ.
'අනං මනං පොළ' හරහා අප උත්සාහ කළේ එම සීමාවන් බිඳ දමමින්, මෙම ස්ත්‍රීන්ට තම නිෂ්පාදන සෘජුවම පාරිභෝගිකයන් වෙත අලෙවි කිරීමට අවස්ථාවක් සලසා දීමයි. එය භාණ්ඩ මිලදී ගැනීමට හා විකිණීමට පමණක් සීමා වූ වෙළඳපොළක් නොව, ස්ත්‍රීන්ගේ හැකියාවන් හඳුනාගැනීමටත්, ඔවුන්ගේ නිෂ්පාදනවලට වටිනාකමක් ලබා දීමටත්, එකිනෙකා අතර සබඳතා ගොඩනඟා ගැනීමටත් හැකි අවකාශයකි.
Sisterhood හි අපගේ විශ්වාසය වන්නේ ස්ත්‍රීන්ගේ ආර්ථික සවිබලගැන්වීම පුණ්‍ය කටයුත්තක් ලෙස නොව, ඔවුන්ගේ අයිතිවාසිකමක් ලෙස සැලකිය යුතු බවයි. ස්ත්‍රීන්ට තම ශ්‍රමයේ ප්‍රතිඵල භුක්ති විඳීමටත්, තමන්ගේ ආදායම පිළිබඳ තීරණ ගැනීමටත්, ආර්ථික වශයෙන් ස්වාධීන වීමටත් අවස්ථාව තිබිය යුතුය.
අනං මනං පොළ යනු එම අරමුණ කරා තැබූ එක් ප්‍රායෝගික පියවරකි. ග්‍රාමීය ස්ත්‍රීන්ගේ නිෂ්පාදන සහ හැකියාවන් සමාජය සමඟ සම්බන්ධ කරමින්, ඔවුන්ගේ ආර්ථික නිදහස වෙනුවෙන් තිරසාර අවස්ථා ගොඩනැඟීම අපගේ අරමුණයි.
ස්ත්‍රීන්ගේ ශ්‍රමයට වටිනාකමක් ලැබෙන, ඔවුන්ගේ හැකියාවන්ට ඉඩක් ලැබෙන, ආර්ථික නිදහස ඔවුන්ගේ ජීවිතයේ යථාර්ථයක් වන සමාජයක් ගොඩනැඟීම වෙනුවෙන් Sisterhood අපගේ කටයුතු ඉදිරියට ගෙන යනු ලබයි.
